Faqet personale te prof.dr. Beqir Ismailit

Prof. dr. Beqir Ismaili mendimtari i njohur kosovar dhe veprimtaritë e tij shkencore

Gazeta Egjiptiane” "El hajat" më 06 /03/2005, boton shkrimin:

Prof. Dr. Beqir Ismaili është një nga linguistët dhe letrarët më të njohur, i stolisur me dinjitet dhe i formuar në të gjitha sferat vepruese. Ai është autor i shumë botimeve të njohura dhe studimeve të vlefshme. Prof. Dr. Ismaili është një nga autorët e mirënjohur kosovarë, i specializuar në fushën e gjuhësisë dhe letërsisë arabe, personalitet i shquar për diturinë, oratorinë dhe metodën mbresëlënëse të komunikimit. Aftësia dhe veprimatria e tij shkencore, arritjet dhe stili i tij i veçantë i mundësuan atij që të jetë kurdoherë në shërbim dhe dobi të kombit shqiptare.

Prof. Dr. Ismaili, ka lindur më 04/10/1959 në Kosovë, një nga republikat e Gadishullit Ballkanik që ndodhet në zemër të Evropës dhe, rrjedh nga një familje me tradita të hershme islame e atdhedashëse. Familja Ismaili, një familje e respektuar dhe e qytetëruar, ka dhënë dhe ka sakrifikuar shumë për Kosovën dhe popullin e saj. Ajo shquhet për qëndrimin e saj islam dhe patriotik dhe për rolin që ka luajtuar ne shërbim të Islamit dhe të Kosovës. Babai i tij, Mulla Haki efendi Isamili, ishte një nga hoxhallarët më të respektuar, i cili u bë i njohur për mendimet e tij të matura në zgjidhjen e çështjeve islame dhe për ndjenjën atdhetare që ushqeu tek bijtë e tij. Dy djemtë e mëdhenj, Nuhiu – i cili u zhduk nga genocidi serb në luftën e Kosovës - dhe Abdullai janë imamë të njohur në Kosovë. Djali i tret, Ismail Ismaili, u zhduk bashke me Nuhiun me 24 Mars te 1999, nga serbët në luftën e Kosovës.

Por nuk mund të lemë pa përmendur këtu, atë figurë të ndritur, që qëndron në ballë të kësaj familje, Prof. Dr. Beqir Ismailin, i cili ka luajtur një rol shumë të rëndësishëm në shërbim të çështjes së Kosovës. Me këtë rast ai ka ndihmuar dhe i ka shërbyer jo vetëm popullit shqiptar, por edhe rajonit të Ballkanit në përgjithësi.

Prof. Dr. Ismaili ka kryer shkollën tetëvjeçare në Kosovë, për të vazhduar më pas me studimet e mesme në Siri dhe studimet e larta në Universitetin e njohur të Al-Az’harit, në Kairo. Këtu ai studjoi gjuhën dhe letërsinë arabe, derisa u specializua dhe mbrojti titujt shkecorë Magjistër dhe Doktor i shkencave. Menjëherë pas mbarimit të fakultetit, filloi të merrej me shkrime e botime të ndryshme, tematika e të cilave ishte e larmishme. Aftësitë e tij të shkëlqyeshme, prej studiuesi dhe dijetari, i mundësuan të krijojë një lidhje mes gjuhës dhe letërsisë arabe dhe asaj shqipe. Këto dy gjuhë përfituan shumë nga ky studjues për vetë faktin se ai ishte ndër të parët që lëvroi studimet në këtë fushë. Prof. Dr. Beqir Ismaili gjithashtu njihet edhe si gazetar dhe publicist i kalibrit ndërkombëtar. Shkrimet e tij u bënë rrezatim i së vërtetës dhe realitetit Kosovar, për Botën e Lindjes e më gjerë. Krijuesi i Gjithësisë, ka tubuar tek ai aftësi të shumta, që e bëjnë të shquhet në fusha të ndryshme shkencore dhe shoqërore. Ai sot njihet si një prej dijetarëve më të shquar dhe më aktivë të Kosovës, në Botën Arabe. Ai është një personalitet i njohur, linguist, letrar, publicist, autor i shumë e shumë librave të ndryshëm studimorë, historik dhe kronologjik, i cili ecën shtigjeve të diturisë, duke sfiduar pengesat me të cilat përballet në rrugën e tij.

Prof. Dr. Beqir Ismaili shquhet për aftësinë e thellimit në dituri, njohjen e gjuhëve, diapazonin e gjerë të të menduarit dhe eksperiencën në plotitikë. Prof. Dr. Ismaili ka ushtruar dhe ushtron shumë detyra, ndër të cilat mund të përmendim detyrën e tij si përfaqësues i Kosovës në Egjipt dhe në Lindjen e Mesme, drejtues politik dhe gazetar aktiv, organizator dhe komunikativ i njohur. Me profesionalizmin dhe përpjekjet e tij të pashtershme, ka dhënë kontributin e tij në të gjitha sferat, duke u bërë kështu shembull me veprimatrinë e tij botuese, me publikimet në shtypin e përditshëm dhe atë javor si dhe në politikë.

Kujtimi i disa individëve, mbetet i gdhendur në histori edhe pse kalojnë vite dhe shekuj. Kjo për shkak të vlerave të larta humanitare, morale dhe të bashkërendimit të mënyrës së tyre të veprimit në rraport me të tjerët. Ata asnjëherë nuk përdorin forcën në luftën me armikun edhe pse kanë mundësinë t’a bëjmë një veprim të tillë. Por njëkohësisht, lufta për ta, asnjeherë nuk është shkak që të tërhiqen nga populli dhe të anashkalojnë problemet e tij por përkundrazi, ata vazhdojë të mbrojnë interesat e popullit duke sakrifikuar gjithçka, madje shpesh edhe veten e tyre. Dihet se gjatë luftës së Kosovës edhe dijetarët përjetuan goditje të rënda. Ata u përballën me armikun dhe u detyruar të mbijetonin edhe pse në kushtë të vështira jetese. Ndër këta dijetarë pa dyshim bën pjesë edhe Prof. Dr. Beqir Ismaili, i cili mori mbi vete përgjegjësinë e zbardhjes së të vërtetës së çështjes Kosovare në Botën Arabe e më gjerë. Ai ndihmoi materialisht dhe shpirtërisht, duke u përpjekur me të gjitha mundësitë e tij, që Kosova të fitojë të drejtat dhe pavarësinë, populli të fitojë paqen dhe lirinë.

Prof. Dr. Ismaili, me punën dhe konributin e tij, arriti të realizojë detyrën e vështirë që kishte marrë përsipër duke fituar kështu një vend të lartë dhe të merituar ndër intelektualët dhe shtresat e tjera të popullsisë si ndër shqiptarët ashtu edhe ndër popujt e ballkanit e më gjerë.

Përveç sa u përmend më lart, ai është bërë simbol i dijes, mendimit dhe vetflijimit. Në këto momente të vështira, Kosova ka nevojë për bijtë e saj që ti dalin zot në çdo fushë të zhvillimit duke plotësuar detyrën e tyre përpara atdheut si mendimtarë, historianë, politikanë, gazetarë etj. Për të gjitha këto arsye emri i tij do të hyjë në analet e historisë si mendimtar, dijetar dhe poltikan që ka lënë gjurmë në mendimin, shkencën dhe politikën, Kosovare.

Kur flasim për figurën e Prof. Dr. Beqir Ismailit, mundohemi të përmendim disa prej kontributeve të tij në fusha të ndryshme të dijes dhe shkencës, por në të vërtetë do të na duheshin shumë lapsa, letra dhe një gjuhë e pasur në shprehje, për t’a përshkruar kontibutin dhe sakrificën e tij në fushën e mendimit. Profesor Ismaili dallohet si një mendimtar dhe historian që e njeh mirë të kaluarën dhe të tashmen, gjë kjo që i mundëson atij të rradhitet ndër mendimtarët e mëdhenj të shoqërisë, ndër ata që dinë të japin mendime të shëndosha, që dinë të barazpeshojnë dhe të konkretizojnë mendimet e tyre. Këtë e përforcojnë më shumë veprat dhe shkrimet e tij të botuara dhe të shpërndara në shumë vende të botës.

Të gjithë studimet e tij shkencore, librat, artikujt e publikimet e ndryshme kanë stil që e zgjojnë njeriun, i tërheqin vëmendjen me shumë argumente që kanë të bëjnë me realitetin, ndikojnë në “shërimin” e sëmundje të vjetra e ndihmojnë në mësimin e dispozitave fetare. Sa herë që ai flet, i drejtohet dëgjuesit sinqerisht, duke i përcjellë atë që ka në zemër, duke thënë gjithmonë të drejtën, me ndjenja të pastra që e hijeshojnë fjalën e tij në thirrjen në Islam dhe imanin e tij të sinqertë.

Ai është nja nga njohësit e mirëfilltë të Kur’anit, sunnetit (praktikës) së Pejamberit a.s., shkencave të gjuhës dhe letërsisë arabe dhe asaj shqipe, historisë dhe kulturës së civilizimit islam të të gjitha kohërave, historisë njerëzore, diturive shkencore të ndryshme, kulturës bashkëkohorë që ka të bëjë me shumë drejtime dhe filozofi.

Kontributi i tij ka një ndikim të përgjithshëm pasi ka botuar një sërë botimesh të fushave të ndryshme, që kanë lënë gjurmët e tyre brenda dhe jashtë vendit. Ky zinxhir botimesh – i shpërndarë në Kosovë, Egjipt dhe vende të tjera- përbëhet nga më se 100 vepra, ku secila prej tyre, i flet qartë lexuesit për qëllimin e saj. Një numër botimesh janë autobibliografike dhe flasin për jetën e dijetarëve të njohur dhe për kontributin e tyre në lidhje me fenë Islame.

Prof. Dr. Beqir Ismaili ka filluar të ngjitë shkallët në lëvrimin e mendimit islam qysh herët, që në hapat e parë të studimeve të tij. Sa më shumë thellohej në studim, aq më shumë mahnitej nga bukuria e madhështia e mendimit dhe e filozofisë Islame. Kjo bëri që, në studimet dhe shkrimet e tij, burimet Islame, qofshin ato të një periudhe më të herëshme apo bashkëkohore, të jenë pika e tij më e referuar, duke u përpjekur që të analizojë lidhjet burimore që ekzistonjnë midis këtyre mendimeve.

Gjykuar nga gjithë sa u përmend dhe u analizua më lart, Prof. Dr. Ismaili vlerësohet si mendimtar dhe dijetar i rrallë, që shquhet për aftësitë dhe sinqeritetin e tij, që përdor arsyen e shëndoshë në të gjitha aspektet dhe që përpiqet gjithmonë të realizojë një lidhje të fortë për të arritur tek e vërteta.