Faqet personale te prof.dr. Beqir Ismailit

Universiteti i Kairos NDERON me “SIMBOLIN e Universitetit” Prof. Dr. Beqir ISMAILIN

Mr.A.A.I.Kairo (EGJIPT), më 27. 11. 2004

Universiteti i Kairos është një Universitet i njohur, me vlera të mëdha kombëtare dhe botërore, i cili ka në përbërjen e tij dijetarë dhe mendimtarë të shquar nga të gjitha lëmitë. Ky Universitet ka luajtur një rol të rëndësishëm në përhapjen e arsimit, kulturës, bartjes së trashëgimisë dhe të civilizimit, duke u mbështetur në burime të sakta dhe të padiskutueshme. Në këtë Universitet i është dhënë hapësirë shprehjes së mendimit të lirë, i cili mundëson arritjen e një rezultati pozitiv, që konsiston në respektimin e të drejtave të njeriut në çdo vend e në çdo kohë.

Kur ky Universitetit vendos të nderojë me “Simbolin e Universitetit” një individ, ai patjetër duhet të jetë personalitet me vlera të mëdha në fushën e tij, të ketë kontribuar për ruajtjen dhe zvillimin e vlerave njerëzore, të jetë njeri që ka ndikim të thellë, njeri i sakrificës, dijetar që posedon eksperiencë në dituri, kulturë dhe arsim, me qëllim që të jetë i denjë për t’a merituar këtë vlerësim të rrallë.

Pas një studimi të thelë të figurës së personaliteteve të shquar, së fundi Universiti vendosi të nderojë atë që ka lënë gjurmët e tij të pashlyeshme në shumë aspekte si: në mbrojtjen e të drejtave të njeriut, në dominimin e paqes dhe që dallohet për aktivitete të shumta në të gjitha lëmitë qofshin ato arsimore, kulturore apo kombëtare. Kjo figurë kaq e shquar që meritoi vlerësimin e Universitetit ishtë shqiptari nga Kosova Prof. Dr. Beqir Ismaili.

Nuk është e para herë që Prof. Dr. Ismaili vlerësohet për punën dhe veprën e tij gjurmëlënëse megjithëse, këtë rradhë atij nuk iu dha ky vlerësim vetëm për shkak të aktiviteteve të tij por, për faktin se Prof. Dr. Ismaili shquhet për një cilësi të rrallë dhe fisnike, ai është një personalitet që punon dhe vepron për hir të kombit dhe që është dalluar si veprimtar i shkëlqyer në qartësimin e çështjes së Kosovës, gjatë gjithë kohës së prezencës së tij në trojet arabe dhe këtë e ka bërë me një stil të përsosur. Ai e ushtroi veprimtarinë e tij në Egjipt dhe në të gjitha vendjet e Lindjes së Mesme. Profesionalizmi dhe transparenca që karakterizojnë punën e Prof. Dr. Ismailit, bënë të mundur që ai të ketë sukses dhe të gëzojë një respekt të veçantë nga të gjitha qarqet intelektuale në këtë rajon.

Nëse shohim me kujdes dhe bëjmë një studim më të thellë për të gjetur arsyet se përse Universiteti i Kajros mori këtë vendim, arrijmë në përfundimin se ky nderim dhe vlerësim u bë për shumë arsye nga të cilat mund të veçojmë përpjekjet dhe aktivitetet e tij si dhe funksionet që ushtron.

Vlen të përmendet këtu se Prof. Dr. Beqir Ismaili njihet si anëtar aktiv dhe personalitet i shquar në shumë intitucione shkencore, arsimore, edukative, kulturore, politike, të shtypit ditor dhe atij periodik. Këto aktivitete ai i ka zhvilluar brenda dhe jashtë vendit si në Egjipt, Lindjen e Mesme dhe në vendet Perëndimore ku ai ushtron veprimtarinë e tij si përfaqësues, delegat, anëtar, ligjërues dhe studiues shkencor.

Por, ky vlerësim është bërë edhe për shkak të vlerësimit të kërkimeve të tij shkencore dhe të aktivitetit kulturor.

Veprimtaria shkencore e Prof. Dr. Beqir Ismailit ka filluar që herët, në kohën e studimeve universitare, të cilat i kreu në Universitetin e Al- Az’harit, në Degën e Gjuhësisë dhe të Letërsisë Arabe. Por, shqiptari i Kosovës nuk u mjaftua thjesht me nivelin universitar të studimeve. Etja e tij për dituri, bëri që ai të ndjekë studimet pasuniversitare në magjistraturë dhe më pas të mbrojë titullin Doktor i Shkencave dhe së fundi u bë shqiptari i parë i Kosovës që u vlerësua me titullin Prof. Dr. në fushën e Gjuhësisë dhe të Letërsisë Arabe.

Gjatë gjithë kësaj kohe, ai bëri një punë të palodhur kërkimore dhe shkencore duke e gërshetuar atë me botimin e shumë librave dhe shkrimeve të ndryshme kryesisht në fushën e kulturës dhe të politikës. Këto përpjekje, i mundësuan popullit shqiptar dhe opinionit të gjerë, të kenë në duart e tyre një numër të madh botimesh të vlefshme, të cilat dallohen për saktësi dhe qartësi në mendim, stil dhe metodë.

Ajo që bie në sy në veprat e tij, është stili i thjeshtë shprehës dhe i kapshëm për lexuesin, ku saktësohet vendi dhe koha e ngjarjes, gjë kjo që i jep veprave të tij një pamje të mrekullueshme, që i befason të gjithë.

Nuk është më me pak interes të përmendim këtu se Prof. Dr. Beqir Ismaili mban firmën e “udhëheqësit të diplomës” të punimeve shkencore për shumë studentë nga Kosova, Maqedonia dhe vende të tjera .

Është i njohur fakti se Egjipti është djepi i diturisë dhe kibleja e dijetarëve. Njerëz të shumtë shtegtojnë nga çdo cep i botës për të shkuar e për të thithur nektarin e dijes në këtë vend. Edhe Kosova ka krijuar një lidhje të hershme me Egjiptin, qysh nga koha kur në këtë tokë shkelën studentët e parë për të studiuar në Universitetin e Al-Az’harit. Pra Egjipti dhe Kosova janë lidhur së bashku me një hallkë të pazgjidhëshme dhe kjo është “dituria”.

Në Universitetin e Al-Az-harit, në Egjipt, studiojnë një numër i madh studentësh nga Kosova, Maqedonia dhe vende të tjera të Ballkanit. Ata studiojnë në fusha të ndryshme të shkencës. Disa prej tyre kanë mbrojtur titujt “Magjistër” dhe “Doktor i Shkencave” e tashmë vazhdojnë të punojnë në lëmitë që kanë zgjedhur. Shumë prej studentëve të Degës së Gjuhësisë dhe të Letërsisë Arabe, që kanë mbrojtur punimet e tyre shkencore, kanë pasur udhëheqës diplome Prof. Dr. Beqir Ismailin. Ai, me përkushtim dhe pa u lodhur asnjëherë, ka qëndruar pranë studentëve duke i udhëzuar ata në kryerjen e punimeve shkencore, në mënyrë që punimet e tyre të jenë sa më të dobishme dhe frytdhënëse. Prof. Dr. Ismailit e ka ndjerë veten mjaft të vlerësuar, kur në sajë të punës, mundit dhe ndihmës së tij, studentët që ai i ka udhëzuar, kanë arritur gradat përkatëse shkencore.

Përveç sa u përmendën më lart, Prof. Dr. Ismaili shquhet edhe për përpjekjet e tij për vazhdimin e mëtjeshëm të lidhjeve kulturore, arsimore, letrare mes Kosovës dhe Egjiptit.

Gjithë këto përpjekje, ai e bëri me qëllim që të japë ndihmesën e tij për lulëzimin dhe përparimin e Kosovës si dhe për vazhdimin e marëdhënieve të mira me këto vende, duke bërë të mundur nënshkrimin e marëveshjeve dypalëshe mes institucioneve të shumta kosovare dhe egjiptiane.

Veprimtaritë e larmishme në fushën e informacionit dhe të gazetarisë, janë një tjetër arsye, për të vlerësuar përpjekjet dhe punën e këtij dijetari të Kosovës.

Prof. Dr. Ismaili është Drejtor i Agjensisë për informacion “Alba Press”, në Kairo. Kjo Agjensi jep një ndihmesë të papërshkruar gazetareske, përcjell lajmet nga Kosova në Lindjen e Mesme duke mundësuar ndriçimin në mënyrë reale dhe të qartë të çështjes së Kosovës në botën arabe. Roli mjaft i rëndësishëm që ka luajtur kjo Agjensi dhe rezultatet mjaft pozitive të punës së saj, tregojnë se ajo ia ka arritur qëllimit të themelimit të saj, pasi nëpërmjet saj u bë e mundur që Kosova dhe populli i Kosovës të bëhen të njohur në opinionin vendas dhe atë ndërkombëtar. Edhe një herë, këtu del në pah puna titanike që ka bërë Drejtori i kësaj Agjensie, Prof. Dr. Ismaili, i cili ka realizuar përmbledhen e përgjithshme të lajmeve të transmetuara nga kjo Agjensi, ku me mjaft mjeshtëri dhe profesionalizëm, ka bërë përshkrimin e gjendjes politike, ekonomike, kulturore, arsimore të Kosovës. Shkrimet e tij u botuan në gazetat e përditshme dhe mujore më me zë të Egjiptit dhe të vendeve të tjera arabe dhe ishin nga materialet dhe artikujt më të kërkuar e më të lexuar në shtyp.

Ky aktivitet kaq i gjerë, botimi i librave të shumtë, shkrimi i artikujve të ndryshëm në gazetat dhe revistat me të njohura, bënë që Prof. Dr. Ismaili të gëzojë një vend të veçantë në opinionin Egjiptian dhe në Botën Arabe.

Prof. Dr. Beqir Ismaili është cilësuar si pionieri i zhvillimit dhe forcimit të kulturës arabo- kosovare, në kohën tonë. Ai, si askush tjetër para tij, u bë “themeluesi” i shkollës për mësimin e shkencave , të Letërsisë dhe Gjuhësisë Arabe, për bijtë e Kosovës, gjë që do të thotë se përpjekjet e tij në këto fusha, do të mbeten gjithmonë të vlerësuara dhe nuk mund të mohohen kurrë.

Pikërisht për këto arsye Universiteti i Kairos, vendosi ta nderojë këtë bir të Kosovës, me Simbolin e Universitetit, nder të cilin e kanë pasur vetëm një numër i pakët dijetarësh dhe intelektualësh të cilët janë vlerësuar si emrat më të njohur të dijes dhe të shkencës.