FAQJA KRYESORE

D I A S P O R A   N E   E GJ I PT

Shqiptarët kanë historinë dhe rrënjët e tyre. Gjatë historisë shumëshekullore, ata u detyruan të emigronin në vende të ndryshme, për shkak të trazirave të vazhdueshme në rajonin e Ballaknit, e veçanërisht ndër trevat shqiptare. Një ndër vendet në të cilët u vendosën shumë shqiptarë qe dhe Egjipti.

Kjo faqe i jep nji hapsirë të veçantë diasporës shqiptare në Egjipt, duke nxjerrë në dritë historinë e diasporës së vjetër dhe asaj të re. Ajo mundëson njohjen me diasporën, udhëheqësit e saj, kulturën, traditën, mendimet, si dhe sqaron rolin e saj në Egjipt.

Po kështu, nëpërmjet kësaj faqe bëhet e mundur njohja me aktivitetin e diasporës në lëmi të ndryshëm, ku ajo dha kontributin e saj si dhe zhvillimin dhe përparimin e saj gjatë shekujve.

Meqenëse diaspora shqiptare e Egjiptit, shquhet për larminë e emrave dhe personaliteve të historisë dhe shkencës shqiptare dhe asaj botërore, kjo faqe i kushton një hapësirë të veçantë rolit, kontributit dhe arritjeve të emrave më të shquar të shqiptarëve në mërgim, në Egjipt.

Një vlerë e veçantë që ofron kjo faqe, është dhe mundësia për njohjen e rrënjëve të familjeve shqiptare dhe lidhjet gjeneologjike mes tyre. Kjo vlen më së shumti për ato familje që i kanë humbur kontaktet e tyre që herët dhe tashmë janë në kërkim të paraardhësve dhe pasardhësve të tyre. Nëpërmjet kërkimit në këtë faqe, do të bëhet e mundur lidhja e shumë fijeve të këputura nga koha.

Shpresojmë që kjo të jetë sadopak në dobi të popullit dhe kombit shqiptar, për të rigjetur rrënjët dhe vlerat e patjetërsueshme të bijve dhe bijave të tij, të cilët edhe pse në mërgim, nuk harruan kurrë se janë shqiptarë dhe se i detyrohen kombit të tyre.

kairo_diaspora@yahoo.com