FAQJA KRYESORE
DIPLOMACI

Nënshkruhet një marrëveshje bashkëpunimi midis Bibliotekës së Aleksandrisë së Egjiptit dhe Bibliotekës Kombëtare dhe Universitare të Kosovës.

Sipas traditës, tashmë, në rradhën e flamujve të vendeve nënshkruese, do të shpaloset edhe flamuri shqiptar

Nga Vjollca Lisi

Më 17 janar, në një ambientet e mrekullueshëm të Bibliotekës së Aleksandrisë, u nënshkrua një marrëveshje bashkëpunimi shkencor dhe informativ midis këtij institucioni me famë ndërkombëtare dhe Bibliotekës Kombëtare dhe universitare të Kosovës.

Kësisoj, këto dy institucione tashmë janë të lidhura me një pakt miqësie për një periudhë 5 vjeçare, me mundësi zgjatje afati- në bazë të vullnetit dhe të përkushtimit të ndërsjelltë në këtë ndërmarrje.

Biblioteka e Aleksandrisë përbën një nga mrekullitë e botës, ajo ka qenë një qendër e jashtzakonshme kulture,dije,një shkollë e përgatitjes së mijëra personaliteteve me zë në të gjithë botën, një vatër gjithmonë e ndezur shkence, kërkimesh,një regjistër vigan i kujtesës, historisë dhe përvojës së njerëzimit në histori mijëravjeçarësh.

U themelua fillimisht nga Ptolemy i Parë Soter, në vitin 290 para erës sonë, pothuaj në territorin ku ngrihet sot Biblioteka . Në fondin e saj numëroheshin mbi 700 mijë tituj e punime origjnalë, të ruajtur në pergamenë.E hapur dhe mikpritëse për të gjitha qytetërimet, zbulimet, shkencat, kulturat e përvojat njerëzore, ajo shërbeu si një model shkence dhe përparimi për të gjithë njerëzit e etur për dije, shkencë, komunikim e miqësi të ndërsjelltë.

Në rrjedhën e shekujve, Biblioteka e Aleksandrisë pësoi humbje, djegie, shkatërrime, rimëkëmbje- një cikël i historisë së vetë njerëzimit.

Sot, Biblioteka e Aleksandrisë ngrihet në një vend me pamje mahnitëse për këdo që ka rastin apo dhe privilegjin për ta vizituar: në anën veriore, me pamje nga deti Mesdhe dhe në atë jugore, përballë Universitetit të Aleksandrisë.

Ndërtesa- një mrekulli e teknikës më të fundit të kohës-frut i bashkëpunimit të një arkitekture ndërkombëtare dhe vendase- përfshin në të shtatë katet e saj, një sipërfaqe prej 40.200 metra katrorë, ku janë “strehuar” shumë institucione kulturore, shkencore, muzeume, salla, ambjente të pajisura dhe komode për veprimtari masive e të specifikuara, sipas moshave dhe interesave të studjuesve.

Në fondin e saj përfshihen aktualisht 255 mijë tituj, 1000 periodikë dhe 7 000 elektronikë, 5 mijë materiale audiovizivë dhe multimedialë, 10 mijë dorëshkrime librash origjinalëç dhe 250 faksimile, katalogë të ndryshëm me të dhëna bibliografike dhe elektroinike, ndër të cilët 70 harta të vjetra dhe origjinale të Aleksandrisë, 15 mijë teza studimore, 1300 punime të Kombeve të bashkuara, 50 mijë libra si koleksione të posaçme dhe 242123 libra në formë dhurimi.

Siëas të dhënave statisdtikore të botuara më 2004, që nga përurimi i saj( 20 tetor i vitit 2002),Biblioteka është vizituar nga 185.756 njerëz, vendas dhe të huaj, të ardhur nga e gjithë bota.

Biblioteka e Aleksandrisë drejtohet nën kujdesin e posaçëm të z.Susana Mubarak- bashkëshorte e presidentit egjiptian si dhe nga një bord personalitetesh(23) të njohur në fusha të ndryshme të shkencës dhe kulturës, të huaj dhe vendas.

Marrëveshja midis Bibliotekës së Aleksandrisë dhe Bibliotekës Kombëtare dhe universitare të Kosovës, përfshin- në nene të përcaktuara- një program interesant bvashkëpunimi, shkëmbimi përvoje, teknologjie, kulture dhe informacioni të ndërsjelltë, vizita intelektualësh, drejtuesish dhe specialistësh të të dyja institucioneve, pjesmarrje të ndërsjelltë, në veprimtari kulturore, shkencore dhe librare apo dhe në veprimtari ndërkombëtare.

Marrëveshja u nënshkrua nga Drejtori i Përgjithshëm i Bibliotekës së Aleksandrisë, Dr Ismail Siraxhudini ,kurse në emër të Bibliotekës Kombëtare dhe universitare të Kosovës, nënshkroi Prof.Dr. Beqir Ismaili.

Sipas traditës dhe me kërkesë të drejtuesve të Bibliotekës Aleksandrine, Prof.Dr Beqir Ismaili i dhuroi fondit të saj, një numër punimesh të tij origjinale në gjuhën arabe dhe shqipe.