FAQJA KRYESORE
DIPLOMACI

Dy marrëveshje të reja bashkëpunimi midis Kosovës dhe Egjiptit në fushën e kulturës

Vjollca Lisi

Biblioteka e Përgjithshme dhe Arkivi Kombëtar i Egjiptit dhe Biblioteka Kombëtare dhe Universitare e Kosovës nënshkruajnë një lidhje të re kulturore

-Lidhja e Shkrimtarëve të Egjiptit dhe homologia e Kosovës në një projekt dy vjeçar bashkëpunimi kulturor dhe intelektual

Në kuadrin e forcimit të mardhënieve të ndërsjellta kulturore midis Egjiptit dhe Kosovës dhe në vijim të marrëveshjeve të mëparëshme të nënshkruara midis të dyja palëve,Biblioteka e Përgjithshme dhe Arkivi kombëtar i Egjiptit dhe Biblioteka Kombëtare dhe Universitare e Kosovës nënshkruan një marrëveshje bashkëpunimi tre vjeçar, me mundësi përtëritje, me pëlqimin dhe miratimin e të dyja palëve dhe konform ligjeve përkatëse të të dy vendeve

Marrëveshja parashikon një bashkëpunim e shkëmbim të ndërsjelltë përvoje në disa fusha të veprimtarisë së këtyre dy institucioneve siç janë botimet ,ekzistuse, buletinet, fusha e trashëgimisësë kulturës materiale ,shkëmbimi i rregullt dhe i vazhdueshëm i vizitave të specialistëve, të drejtuesve të këtyre institucioneve, të administratës.Gjithashtu, të dyja palët impenjohen të organizojnë veprimtari kulturore dhe bibliotekore:hapje panairesh të botimeve të reja, ekspozita me tituj të rrallë ,të organizojnë kurse trajnimi e takime pune,konferenca shkencore,simpoziume e debate kulturore në fushat e librit, të botimerve dhe të bibliotekës.

Pjesë e marrëveshjes midis dy institucioneve në fjalë, janë dhe hartimi i projekteve të përbashkëta të bashkëpunimti në fushën e dokumentimit të trashëgimisë kulturore dhe të kërkimeve shkencore,duke zbatuar metodat e reja të kohës në ruajtjen,renditjen e katalogimin e trashëgimisë bibliotekare..

Marrëveshja u nënshkrua në Kajro, dt.09.03.2005 ,në dy kopje origjinale, në gjuhën arabe. Për palën egjiptiane nënshkroi Prof.Dr Muhamed Sabir Arab,Drejtor i Përgjithshëm i Bibliotekave dhe Arkivit Kombëtar të Egjiptit, kurse për palën kosovare nënshkroi Prof.Dr.Beqir Ismaili, në cilësinë e përfaqësuesit të Bibliotekës Kombëtare dhe Universitare të Kosovës në Vendet arabe.

Gjithashtu,më 8 mars, merr jetë një tjetër lidhje bashkëpunimi të ndërsjelltë midis Egjiptit dhe Kosovës. Është fjala për një marrëveshje bashkëpunimi midis Lidhjes së Shkrimtarëve të Egjiptit dhe homologes së saj të Kosovës.Edhe kjo është e para lidhje bashkëpunimi midis këtyre dy institucioneve kulurorë dhe intelektualë të të dy vendeve

Marrëveshja parashikon,ndër të tjera, shkëmbim përvoje, vizitash, delegacionesh të drejtuesve të këtyre dy institucioneve, të personaliteteve të penës dhe të kulturës së të dy vendeve,organizime tubimesh, debatesh, reçensionesh e takimesh me autorë veprash të njohura letrare

Ajo ka një vlerë dy vjeçare dhe mund të përtërihet, me pëlqimin dhe impenjimin e ndërsjelltë në realizimin e objektivave të parashikuara.

Marrëveshja u nënshkrua në Kajro në dy kopje origjinale në gjuhën arabe.

Për palën egjiptiane nënshkroi Abdul Al el-Humamisi,Kryetar i Lidhjes së Shkrimtarëve të Egjiptit.

Në emër të Lidhjes të Shkrimtarëve të Kosovës, nënshkroi Prof.Dr. Beqir Ismaili, në cilësinë e përfaqësuesit të tij