FAQJA KRYESORE
DIPLOMACI

Roli i përfaqësuesit të Kosovës në Egjipt (diplomacisë kosovare në Egjipt) në mbështetjen e marrëdhënieve dypalëshe

Përfaqësuesi i Kosovës në Egjipt, prof.dr. Beqir Ismaili, konsiderohet një prej formave të diplomacisë moderne, edhe pse Kosova nuk është plotësisht e pavarur, por një shtet autonom që zotëron elementët e nevojshëm për pavarësinëe plotë, pra zotëron territorin, popullin dhe sovranitetin.

Gjithësesi, përfaqësimi diplomatik në Egjipt ka rëndësinë dhe vlerën e vet në kohën e tanishme, sepse luan një rol të shquar në mështetjen e marrëdhënieve dypalëshe Kosovë – Egjipt, gjë që e ndihmon Kosovën në rrugën e saj drejt pavarësisë së plotë dhe të realizimit të paqes dhe të stabilitetit.

Qeveria e Kosovës e zgjodhi përfaqësues të sajin në Egjipt prof.dr. Beqir Ismaili dhe si koordinator midis organizmave egjiptianë dhe homologëve të tyre në kosovë, për shumë arsye, të cilat përmblidhen si më poshtë:

1. Interesimi i tij i madh për çështjet ballkanike në përgjithësi, dhe për ato kosovare në veçanti. Megjithëse në kohën e sih Jugosllavisë ai jetonte në Egjipt, ai ka treguar interesim të veçantë dhe i ka ndjekur nga afër ngjarjet që lidheshin me Kosovën. Për këto ngjarje ai ka lidhur korrespondenca të ndryshme në Kosovë dhe jashtë saj në Ballkan, si dhe ka shërbyer si shpërndarës i lajmeve dhe informacioneve që vinin nga ai rajon, sidomos në Egjipt. Në këtë mënyrë ai ka të gjithë përvojën e nevojshme për të kryer funksionin e koordinatorit midis dy vendeve, pasi i njeh mirë punët në të dyja këto vende.

2. Ai ka themeluar dhe kryesuar agjensinë “Alba-Press”, e cila ka luajtur një rol të padiskutueshëm informativ në njohjen e Kosovës dhe të çështjeve të saj. Gjatë kohës së krizës kosovare, kjo agjensi nën drejtimin e prof.dr. Beqir Ismailit ka mbuluar të gjitha ngjarjet në Kosovë, çka ka nxjerrë në pah aftësinë e madhe komunikuese të drejtorit të saj z. Ismaili. Nëpërmjet kësaj agjensie ai arriti t’i përhapte lajme mbi Kosovën në të gjithë botën arabo-islame.

3. Lidhjet që ka ky intelektual me personalitetet më të mëdha të politikës dhe të mendimit në Egjipt. Këto lidhje ai i shfrytëzoi në interes të çështjes së Kosovës gjatë kohës së krizës, çka bëri që çështja kosovare të bëhet e njohur për publikun arab. Në këtë mënyrë ajo përfitoi përkrahës të shumtë në botën arabe, si dhe mbështetjen e mendimtarëve dhe politikanëve që shkruajtën artikuj të ndryshëm, ku kërkonin shpalljen e pavarësisë së Kosovës.

4. Aktiviteti i tij i shquar në fushën e gazetarisë arabo-egjiptiane. Ai ka shkruar shumë artikuj politikë, kulturorë dhe letrarë, të cilët të gjithë synojnë të bëjnë të njohur çështjen e Kosovës. Dhe vërtet, ai ia arriti këtij qëllimi, e bëri të njohur këtë çështje, si dhe u shqua si publicist, politikan, diplomat dhe shkrimtar i zoti.

5. Marrëdhëniet e ngrohta me institucionet dhe organizatat që merren me të drejtat e njeriut. Këto kontakte kanë patur për qëllim zgjidhjen e çështjes së Kosovës që populli kosoar të jetojë i lirë në paqe dhe të gëzojë pavarësi të plotë dhe stabilitet në gadishullin ballkanik.

6. Ai ka vizituar shumë vende arabe, të cilat kanë pasur për qëllim mbështetjen e çështjes kosovare dhe ka kërkuar bashkëpunim me ato vende për të ndihmmuar që shqiptarët e Kosovës të dalin nga ajo fatkeqësi e rëndë që hoqën si pasojë e politikës së ndjekur nga qeveria serbe.

7. Duke parë aktivitetet dhe rolin e tij në këtë çështje, ai ka marrë disa mesazhe falënderimi dhe vlerësimi nga disa prej atyre vendeve si Jordania, Emiratet e Bashkuara Arabe, etj..

8. Dr. Beqir Ismaili ka një bagazh kulturor dhe shkencor të kosiderueshëm dhe një përvojë të gjerë në fusha të ndryshme. Kjo është pasqyruar nëpërmjet botimeve dhe shkrimeve të tij. Ai ka shkruar për çështjen e Kosovës, për Ushtrinë Çlirimtare të Kosovës dhe për vuajtjet që kanë hequr fëmijët dhe populli kosovar. Po ashtu, ai ka shkruar edhe në lëmin e gjuhës dhe letërsisë. Ai ka shkruar rreth gjuhës arabe dhe përhapjes së saj në Kosovë. Ai ka bërë një studim të gjerë për krahasimin e letërsisë shqiptare dhe asaj arabe. Ka shkruar dhe rreth mendimtarëve më të mëdhenj bashkëkokorë arabë, ashtu siç ka shkruar dhe për mendimtarët e shquar shqiptarë. Ai ka rreth 200 botime në fusha të ndryshme, duke shtuar me qindra artikuj të tjerë, të cilat i kanë shërbyer çështjes kosovare dhe popullit shqiptar të Kosovës.

9. Ai ka marrë pjesë në shumë simpoziume dhe konferenca shkencore e kulturore, në të cilat e ka bërë më të njohur çështjen e kosovare, ka këmbëngulur për domosdoshmërinë e ndihmës për Kosovën, që kjo e fundit të fitojë pavarësinë e plotë dhe të rindërtohet nga fillimi. Po ashtu, ai ka theksuar rëndësinë e bashkëpunimit në fusha të ndryshme për t’i dhënë mundësi Kosovës që të ecë me këmbët e veta dhe të integrohet në arenën ndërkombëtare.

10. Ai ka një përvojë të gjerë diplomatike dhe një aftësi të shkëlqyer në zgjidhjen e krizave, ashtu siç ka pasur dhe aftësi bindëse në përpjekje për të solidarizuar shumë institucione egjiptiane dhe arabe në përkrahje të popullit shqiptar të Kosovës. Pas luftës së Kosovës dhe hyrjes së NATO-s në të nën komandën e Shteteve të Bashkuara të Amerikës dhe adminstrimit nga ana e Kombeve të Bashkuara, dr. Beqir Ismaili viziton Kosovën, pasi kishte qenë i privuar nga një gjë e tillë më parë për shkak të regjimit agresor serb dhe regjimit jugosllav para tij. Kur ai vizitoi Kosovën, pati mundësinë që të kordinojë marrëdhëniet ndërmjet Kosovës dhe muslimanëve të Egjiptit dhi si fryt i kësaj i zgjeroi aktivitetet e tij në Egjipt pasi u kthye nga Kosova. Kjo konsistoi në nënshkrimin e disa marrëveshjeve bashkëpunimi dhe hapjen e mundësive të reja si një hap i parë për zgjerimin e marrëdhënieve dypalëshe ndërmjet Kosovës dhe Egjiptit.

11. Në kohën që u shpërbë Ushtria Çlirimtare e Kosovës dhe u shndërrua në Trupën për Mbrojtjen e Kosovës nën kujdesin e Kombeve të Bashkuara dhe të qeverisë së përkohshme kosovare, kjo e fundit nxori një vendim mbi bazën e të cilit emërohej dr. Beqir Ismaili përfaqësues i Trupës për Mbrojtjen e Kosovës në Egjipt. Kjo bëri që dr. Ismaili të luajë një rol të rëndësishëm në kordinimin e marrëdhënieve ndërmjet Egjiptit dhe Kosovës në kuadër të sigurisë dhe stabilitetit në Kosovë.

12. Pas procesit të zgjedhjeve të fundit parlamentare që u zhvilluan në Kosovë dhe pas formimit të qeverisë kosovare, dr. Beqir Ismaili si përfaqësues i Kosovës në Egjipt, u ngarkua me disa detyra të rëndësishme që konsistojnë në mbështetjen dhe çuarjen përpara të marrëdhënieve dypalëshe në fusha të ndryshme ndërmjet Kosovës dhe Egjiptit.

13. Ekzistojnë disa protokolle dhe disa vendime të nxjerra nga qeveria kosovare që e emërojnë dr. Beqir Ismailin në poste të ndryshme për të luajtur rolin e tij në Egjipt.